Shiii

Já góðan og blessaðan daginn, fallegur dagur sólin skín en ég er með hálsbólgu! Boðið í partý í kvöld, þakkargjörðarhátíðarpartý hjá honum Zack mínum, ég sé mig knúna til þess að fara samt, því hann er ekki búinn að tala um annað í u.þ.b. 3 mánuði! Verður samt enginn kalkúnn, þar sem helmingur gesta og betri helmingur hans Zack eru grænmetisætur!
ÚtiMaðurinn var að kaupa sér nýjan gítar á ebay, mjög fallegur, og var hann að fá hann í hendurnar fyrir u.þ.b. 40 mínútum, hann reyndi að plata sjálfan sig með því að reyna að sannfæra mig um að hann ætlaði að láta hann vera í dag, enda þarf hann mikið að læra í dag og jújú hann snéri sér að lærdómnum, í svona u.þ.b. 5 mínútur en situr nú og spilar eins og í trans, ekki hægt að ná sambandi við hann og ef ég reyni að rífa af honum gítarinn er ég viss um að hann muni kýla mig kalda.
Dagurinn í dag fer eflaust í það að kaupa í matinn, eins og svo oft, en það er fyndið hvað það getur tekið langan tíma þegar maður er ekki á bíl og þarf að fara í hina og þessa búð til að finna það sem maður þarf. En ég fékk það verkefni útdeilt að búa til salat fyrir kvöldið, hver og einn á að koma með eitthvað með sér! Udi ætlaði að búa til hummus en ég stórefa að hann gefi sér tíma í að koma í kvöld, hvað þá búa til hummus.
Langar svo að benda mínum dyggu lesendum á vefsíðuna perezhilton.com en þar fær maður nýjasta slúður hollywood beint í æð, og þið Laguna Beach aðdáendur fáið einnig ykkar fix (og er ég skoooo einn dyggasti aðdáandi þessara drama-loving táninga!). Ég er búin að horfa á alla 2. seríu, sem er mikið meira krassandi heldur en sería 1, jább! En núna hef ég ekki fengið minn skammt í langan tíma og þarf víst að bíða fram á vor, held ég, því þá kemur LB 3, þótt að það verði ekki jafn skemmtilegt held ég, enginn af gömlu góðu, en systir hennar LC verður víst aðal þar. En LC, hin elskulega, verður með sinn eiginn þátt The Hills, þar sem við munum geta fylgst með henni plumma sig í LA (LA, LB, LC...) og ekki ætla ég að missa af því!
Síðan eru eflaust allir búnir að heyra þetta með Jessicu....

mánuður

Já ég er búin að vera hér í mánuð og það er mánuður þangað til ég kem heim um jólin, eða nákv 22. des til 4. jan. Ég hlakka mikið til að koma heim, enda er ég mikið jólabarn, en síðan verður gaman að sjá nýjasta meðlim STARhólma stórfjölskyldu nr. 10.
Annars er það þetta að frétta:
Er flutt inn í herbergið mitt, sem er reyndar bara svona fer-þangað-af-og-til herbergi, þar sem mér finnst svo notalegt að vera hjá Udi, en verð samt að geta farið eitthvað þegar hann þarf að læra og svoleiðis, sem gerist reyndar ansi oft! En allavega, fólkið sem ég leigi af er svaka næs og eru þau bæði hætt að vinna, hann var stjórnandi sinfóníuhljómsveitar Tübingen, en svo skemmtilega vill til að sá sem tók við af honum er einmitt íslendingur! Og ég hitti hann í dag fyrir utan húsið og þið getið rétt ímyndað ykkar hvað honum brá þegar ég byrjaði að tala íslensku við hann! En ég hafði reyndar hitt hann fyrir svona ári eða svo á Saints & Scholars svo hann áttaði sig strax!
Frank fór án mín á Islandsfestival og hitti þar Mugison sem gaf honum geisladisk og kyssti Frank hann og knúsaði í þakklætisskyni!
Jæja ætla að vona að sturtan sé laus
ps. Brynhildur er hommi

svaka aktíf

Stelpur!! GOOD NEWS!!!
Var í ræktinni og las þar þýskt Cosmopolitan og í því var grein um fegðurðarleyndarmál ýmissa þjóða og komst ég að því þar að norrænar konur er blessunarlega lausar við allt sem heitir appelsínuhúð!!! Ég var svo glöð þegar ég las þetta að ég spratt á fætur, tók heljarstökk og hrópaði þrefalt húrra! Og ég sem hef eytt mörgum þúsundum í vörur sem ég þarf svo eftir allt ekkert á að halda! Ég ætla að vona að þið séuð líka jafn glaðar, en leyndarmál okkar ku vera fiskurinn og magninnbyrgði á þessu magnaða dýri.
Annars bara það að frétta að ég ætla loksins að flytja út frá honum Udi mínum og inn í herbergið mitt og verða fötin mín mér þakklát það veit ég, þau hafa nefnilega þurft að húka eins og sardínur í dós allan þennan tíma ofan í ferðatösku.
stutt en gott

má ekki slá slöku við

Verð að vera dugleg að skrá hugsanir mínar hér svo að lesendur geti kynnst mér betur í vetur.

Ehudi átti afmæli í gær, 24 ára, og var ég alveg ógeðslega sæt kærasta og bakaði og eldaði handa honum! Hann þurfti reyndar greyið að fara í aukatíma á afmælinu og var því í skólanum til klukkan 10 og kom þá heim og stóð ég þá haus í eldhúsinu (eins gott að hann var ekki búinn fyrr) sem var hveitistráð og hamaðist við að klára súkk-pistasíu múffurnar og svo fylltu papríkurnar, sem síðan bragðaðist allt saman mjög vel, hver hafði getað ímyndað sér það!

Ég eignaðist litla rauðhærða frænku þann 14. nóv! Egill bróðir og Hrönn bættu við einu í safnið!

Það er farið að kólna svo að ég get loksins farið að nota eitthvað af þessum vetrarfötum sem ég tók með mér. Það eru allir jafn hissa þegar ég segi að mér sé kalt "hvaaaaaaaa en þú ert frá Íslandi!!!????", fávitar! Á þá spánverjum eftir að líða eins og heima hjá sér í helvíti? Málið er bara það, að ég veit hvernig ég á að klæða mig heima, hlýtt, vindhelt, en hér! Neiiiii það skiptir varla máli í hvað þú ferð, eða hve mikið af því, það er alltaf kalt. Það er þessi bévítans raki sem nýstir í gegnum allt. En ég fer sem betur fer allt á fáknum góða og þarf því ekki eins og áður að ganga hálftíma í skólann á hverjum morgni og mæta dofin og blá í tíma.

Ég og Frank vorum að spá í að skreppa til Köln á Islandfestival þar verður margt á boðstólnum, en okkur leist best á föstudagskvöldið næsta, Múgison og Apparat Organ Quartet, en ég held það sé að detta upp fyrir. Mér er boðið á kórtónleika hjá vinkonu minni á laugardagskvöldið í Stiftskirche og langar mig mikið að fara, enda voru síðustu tónleikar sem ég fór á með þessum kór frábærir.

Jæja ég er að fara að kenna eftir 2 tíma og á eftir að stússast áður.

Veriði sæl

Back in Tübbó

Heilir og sælir kæru lesendur.
Já ég er enn og aftur komin heim².
Er komin með herbergi og flyt inn á mánudaginn næsta, lítið herbergi, mun koma til með að búa með 2 öðrum stelpum, önnur er þýsk en ég held að hin sé pólsk! Þær virðast vera algjörar dúllur og ég hlakka til að kynnast þeim betur.
Nú er ég ekki lengur skiptinemi, sem þýðir að djammið er búið, eða mér finnst allavega ekki við hæfi að djamma hvert kvöld! Ég nenni því heldur ekki! Enda er ég núna orðin virðulegur kennari og er ekki ætlast til þess að ég skríði um götur Tübingen eða hlaupi um með íslenska fánann á bakinu og garga "Áfram Ísland!!!" (sem að allir Íslendingar ættu eitt sinn að prófa!)
Kennslan gengur bara ágætlega fyrir sig! Ég kenni 1. og 3. önn hér, á 1. önn eru 33 nemendur og á 3. eru 4, sem sýnir hversu margir halda þetta út! Svo er ég líka að kenna í kvöldskóla hér (Volkshochschule) og þar eru 15 nemendur af öllum stærðum og gerðum. Síðan er ég með einn nema í einkakennslu!
Ég er nú líka að gera eitthvað fyrir sjálfa mig og er byrjuð að læra hebresku! Hef reyndar ekki haft mikinn tíma til þess undanfarna daga því það er búið að vera heldur mikið að gera í allskonar pappírsvinnu. En þar sem Udi er orðin bara helvíti klár í íslensku verð ég að vera duglegri.
Ég fer síðan að henda inn myndum um leið og ég er búin að koma mér betur fyrir og komin með almennilegt internet!
Tschüssle